May 15, 2014

අනුරපුර චාරිකාව | Anuradhapura Trip

ගිය සිකුරාද උදේම අපි ලැහැස්ති වුණේ අනුරාධපුරේ යන්න. පාන්දරින්ම පිටත් වුණු නිසා වැඩි මහන්සියක් දැනුණෙ නෑ. දවස් දෙක තුනක් අනුරාධපුරේ නවාතැන් අරගෙන නිදහසේ වැඳ පුදාගෙන එන්න තීරණය කරගෙන හිටියත් වෑන් එක කලින් භාර දෙන්න සිද්ධ වුණු නිසා අනිද්ද උදේම ආයි පිටත් වෙන්න තීරණය කර ගත්තා. ඔක්කොම කට්ටිය පහළොස් දෙනයි. 

උදෙන්ම පිටත් වුණු හින්දද මන්ද ටික වෙලාවක් යනකොට අම්බානකට බඩගිනියි. යන ගමන් ගලිගමුව හරියෙ බේකරියකින් පාන් ගෙඩි අටක් ගත්තා. ඇස්වහක් කටවහක් නෑ ඒ පැත්තෙ පාන් ගෙඩියක් රුපියල් හැටයි. :P :P සම්බෝලයි පරිප්පුයි ගෙදරින්ම හදාගෙන ඇවිල්ල තිබුණා. තාත්ත හොඳ තැනක් බලල වාහනේ නැවැත්තුව. 

කොහොමහරි පාන් කෑල්ලක් දෙකක් කන්න පටන් ගන්නකොට,.. මෙන්න රිලව් එන්න පටන් ගත්තා...!! ඕං ඉතිං කන එක පැත්තකින් තියල මං උන්ගෙ පොටෝ ගහ ගහ උන්නා.. :D






කොහොමින් කොහොමහරි අනුරාධපුරේට කිට්ටු කරනකොට නාච්චදූව වැවෙන් නාගෙනම යන්න වාහනේ හැරෙව්ව ඒ දිහාවට. 


නාච්චදූව වැව හදල තියෙන්නෙ දෙවන මුගලන් රජ්ජුරුවො. මේ වැවට වතුර රැස් වෙන්නෙ මල්වතු ඔයෙනුයි, මමිනියාව ඔයෙනුයි. පස්සෙ විජයබාහු රජ්ජුරුවොත් මේ වැවේ ප්‍රතිසංස්කරණ කටයුතු සිදු කරාලු.

                                         ඉස්සරහින් ඉන්න එකා වැව් කප්පිත්තා

හොඳට නාගෙන අනිත් ඈයො ලක ලැහැස්ති වෙනකං මං ගියා ඉවුර දිගේ ටික දුරක් ඇවිදගෙන. ඈතින් පොඩියට මිහින්තලේ පේනව.


                                                              කුරුළු දඩයම
ආපහු කට්ටිය හිටපු තැනට මං එනකොට මෙන්න මුං හොඳට කනවා..!
මාත් ඉතිං බත් පිඟානක් සප්පායම් වෙලා තව අයිය කෙනෙක් එක්ක ගියා සොරව්ව එහෙම තියන පැත්තට. 


                                                                 පාලම

                                                   පැනරෝමා

                                                 
නාච්චදූවෙන් පිටත් වෙලා ආපහු අනුරාධපුරේට යන්න පිටත් වුණා..
නාපු ටික කොහෙං ගියාද දන්නෑ ගිනි රස්නෙයි..දාඩිය බේරෙනවා..
අපේ නෑදෑයෙක් හිටිය ගම අනුරාධපුරේ. දැං කොළඹ. ටික දුරක් යනකොට මේක කෑ ගැහැපිය ඔය කඩේ ගාවින් නවත්තන කියල. බැලින්නං ඒ කඩේ මේකා අනුරාධපුරේ ඉන්නකොට හිටපු යාළුවෙක්ගෙ. අපරාදෙ කියන්න ඕන්නෑ ලොකු බීම බෝතල් තුනක්ම නිකං දුන්නා. :P

ඊට පස්සෙ අපි ගියේ ඉසුරුමුණියට. 



මේ කැටයම ක්‍රි.ව. 7 හෝ 8 වන සියවසයට අයත් වෙන එකක්ලු. මහාරාජා ලීලාවෙන් වාඩි වී සිටින මිනිසෙකුයි ඊට පසෙකින් නෙළා ඇති අශ්ව හිසකුයි මේ කැටයමෙන් නිරූපණය වෙනවා. මේ ගැන විවිධ මත තියෙනවා. එක මතයක් වන්නෙ අශ්ව හිසින් ගින්නට අධිපති අග්නි දෙවියනුත් මිනිස් රූපයෙන් වර්ෂාවට අධිපති පර්ජන්‍ය දෙවියනුත් නිරූපණය වෙනවා කියන එක. තවත් මතයක් තමයි හින්දු දේව කතාවල එන කපිල නම් සෘෂිවරයා සහ ඔහුගේ අශ්වයා මෙයින් නිරූපණය වෙනවා කියන එක. 

ඉසුරුමුණි පෙම් යුවල වගේම දුටුගැමුණු රජ පවුල වගේ කැටයම් ගොඩක් කෞතුගාරයෙ තිබුණා.



 ඉසුරුමුණියෙන් පස්සෙ අපි ගියා ශ්‍රී මහා බෝධියට.








 

එදා රුවන්වැලි මහා සෑයට සිවුරු පූජා කරන පිංකමක්..කට්ටියම හොඳට වැඳ පුදා ගත්තා. 














ඊළඟට අපිට රෑට නවතින්න තැනක් හොයාගන්න ඕන වුණා. හොයාගෙන හොයාගෙන යනකොට ශ්‍රී සරණංකර පිරිවෙනේ විශ්‍රාම ශාලාවෙ නවතින්න තීරණය කර ගත්තා. රෑට කෑම ළඟ ගෙයකින් සල්ලි වලට ගත්තා. අපිත් එක්ක හිටිය සමහර ඈයො ඒ ගෙදර හිටිය නංගිලාටත් ඇල්ම බැල්ම දාන්න අමතක කරේ නැහැයිලු. :P කට්ටියටම ආයිමත් හොඳට නාගන්න ඕන වෙලා තිබුණු හන්ද හැන්දෑවෙ ගියා තිසා වැවට. මුළු වැවම මීයට පිම්බ වගේ කිසිම හැලහොල්මනක් නෑ. නිදහසේ නාගත්ත. ආයි ඊළඟ දවසෙත් උදේම නාගන්න එනවා කියල හිතාගෙන අපි නවාතැන්පලට ගියා. බලාගෙන යනකොට වැඳ පුදා ගන්නවට වැඩිය කරල තියෙන්නෙ නාන එක. කොහෙද ඉතිං කොළඹ වැව් තියේයැ.




පහුවදා උදේම තව තැන් වලට යන්න හිතාගෙන හිටියත් වෑන් එක කලිං භාර දෙන්න වුණු නිසා අපි පිටත් වුණා.


                                                     තිසා වැව

ගෙදර යන ගමං...






  
                      






   


12 comments:

  1. කාටද දැන් ඔය වෑන් එක බාර දුන්නේ?

    ReplyDelete
    Replies
    1. ඒක ස්කූල් හයර් දුවන එකක් අප්පා..අයිතාකාරයා ඩැඩාගෙ යාළුවෙක්..

      Delete
  2. හොඳ ලිපියක් .එන්න අපේ අඩවියට
    මෙය ඇඩ් එකකි.
    http://premalathaa.blogspot.com/

    ReplyDelete
  3. මනමාලි කැන්දන් ආඅවට පස්සෙ බ්ලොග් එක අමතකවෙලා කියලයි හිතන් හිටියෙ. මේ ෆොටෝ ටිකත් මනමාලිගෙන් වැන්නැති මයෙ හිතේ.

    ReplyDelete
    Replies
    1. ඔව් ඔව්.... :D කාලෙකිං බ්ලොගිය පැත්තෙ එන්න බැරි වුණා..

      Delete
  4. ශෝක් ෆොටෝ ටික..

    ReplyDelete
  5. මනමාලිත් එක්ක හඳෙන් පැණි කන්න ගියා වගේ. ;) ඔය ඉන්නෙ හම්බ වෙච්ච ළමයි ටික නිරොගීව අපූරුවට.

    ෆොටෝස් ටික පට්ට. විශේෂෙන් අර රිළා ෆොටෝ ටික මරු.

    ReplyDelete
    Replies
    1. :D ස්තූතියි ප්‍රියා.. මේ දවස් ටිකේ ටිකක් වැඩ වැඩි හන්ද ප්‍රියාගෙ බ්ලොගිය පැත්තෙ එන්නත් බැරි වුණා..

      Delete
  6. සංචාරක තෙමේට හොද කැමරා ඇහැක් ඇත.. සැමටම එය නැත ඒ හරියන්න.ත් එක්කම සංචාරක තැන පට්ටෙටම පොටෝ ගහන්නේය... පඒවා බලන අපි හුරේ දමන්නේය...
    ජයවේවා

    ReplyDelete

Related Posts Plugin for WordPress, Blogger...